在甘氏三姐弟中；有好多食物情意結；俗稱「食物上癮」
而上癮的食物通常都是與童年時期掛勾
中毒最深的莫過是益力多（俗稱「多多」）
還記得電影《家有囍事》嘛？還記得程家的老爺奶奶沒有電視看的時候的反應嘛？
當沒有益力多的時候，我們大多都可以有那種情緒！
但今日我不是談益力多（雖然我想談談益力多的質素...留待下一回）
而是入侵甘氏三姐弟的「媽咪麵」
媽咪麵（Mama）--相信是速食麵的「變種」
出產自泰國的媽咪麵通常為乾吃，人們多半便是直接壓碎後混合調味粉（或再搖勻）當作零食食用，這種吃法可能是小學生發明的。http://zh.wikipedia.org
我自己就唔知係咪小學生發明，但我就肯定我既小學時期，媽咪麵「風摩幾時」
每當小息鍾聲一響，就二話不說咁衝落去爭排隊；用左零用$買又唔可以俾媽咪知；要收收埋埋咁食；因為我覺得天下間既媽咪都唔鍾意/唔俾自己既囝囡食媽咪麵；放學鍾意一路行一路食；食完之後都仲要lam埋遺留係手指上既味粉；手上面浸味仲會留成日
當我以為媽咪麵早已沒落之時，甘聖Dee將之重現我眼前
原來已家既中、小學生都有人繼續擁戴媽咪麵
就係咁樣！甘聖Dee將我地半遺忘既童年食物情意結搬翻黎；從此開始為媽咪麵而瘋的日子
其實都唔算太瘋；只係如果半夜三更突然想食，就會好似以前二話不說咁衝去買（你要知道對我地3個呢d又懶又貪靚既人黎講，半夜專瞪落街買野食係一個奇聞）我地只會為左媽咪麵先會咁做；想食o個陣又無得食的話，又會同無益力多飲既情緒類同
昨日我與甘聖妹分析媽咪麵的形勢；然後將之與童星點心麵作比較（點解我地唔會為童星點心麵而狂？）
發現童星點心麵簡直係無得比
媽咪麵致勝之道有3：
1.可以自己dup碎/lin碎d麵（碎d/大舊d）、又或者成餅咬（不過唔係咁多人鍾意採用呢種食法）。自己dup麵呢個過程好重要，係食媽咪麵特式之一。不過dup/lin既時候要小心，因為包裝袋入面有空氣，如果唔小心lin的話，個包裝袋係會爆，唔一定會跌到無得食，但重點係work唔到食媽咪麵既另一重點。
2.可以自己選擇落唔落/落幾多味粉，落完之後仲要shake well before eat。呢個過程決定你d麵好食定更好食，落幾多要shake幾耐，點落點shake先可以令到d麵均勻有味，唔會d咸d淡；媽咪麵既味粉如果癡得太多係一舊麵到會咸死，而下一舊就可能唔夠味，破壞左成日媽咪麵既味道。本人就鍾意唔落味粉既原味。
3.藍毛毛icon。一見到佢...唔使諗，即刻就係媽咪麵；仲要前排有個抵死藍毛毛演奏會廣告；我覺得比起kelly出黎賣shakeshake仲有gimmick
童星點心麵無得比、muji麵都一樣無得比！
媽咪麵既味道我估同cocacola一樣！o個條味道formula係絕配！無人能及！
忙碌關系！只可以寫到呢度！
劍
